මේ වනවිට රට ගොඩනැගීම සම්බන්ධයෙන් බලාපොරොත්තු තැබිය හැකි එකම කණ්ඩායම ජාතික ජන බලවේගය පමණක් බවයි හිටපු වරාය සහ නාවික කටයුතු නියෝජ්‍ය ඇමැතිවරයෙකු වූ එරික් ප්‍රසන්න වීරවර්ධන කියන්නේ. තමන් මෙම තීරණය ගනු ලැබූවේ පසුගිය කාලය පුරාවටම සිදු කළ අධ්‍යනයකින් පසුව බව ඔහු පවසනවා. මහනුවර දිස්ත්‍රික්කයේ ශ්‍රී ලංකා නිදහස් පක්ෂයේ සෙංකඩගල ආසනයේ ප්‍රධාන සංවිධායක ධුරය දැරූ ඔහු ශ්‍රී ලංකා නිදහස් තරුණ පෙරමුණේ ලේකම්වරයා ලෙස කලෙක කටයුතු කළා.
2010-2015 පාර්ලිමේන්තු මන්ත්‍රීවරයකු ලෙසත්, වරාය සහ නාවික කටයුතු නියෝජ්‍ය ඇමැතිවරයා ලෙසත් 2015 පසු ජනාධිපති මෛත්‍රීපාල සිරිසේනගේ පුද්ගලික ලේකම්වරයා ලෙසත් ඔහු කටයුතු කළා. ඔහු කලක් මධ්‍යම පළාත් ප්‍රවාහන අධිකාරියේ සභාපතිවරයා ලෙස කටයුතු කළ අයෙක්.
ඔහු පසුගිය දා ජාතික ජන බලවේගයේ පාර්ලිමේන්තු මන්ත්‍රීනි ආචාර්ය හරිනි අමරසූරියගේ ප්‍රධානත්වයෙන් පැවැති මහනුවර දිස්ත්‍රික්කයේ කුණ්ඩසාල ආසනයේ ගල්පිහිල්ල කොට්ඨාසයේ ජාතික ජන බලවේගයේ කොට්ඨාස සභාව පිහිටුවීමේ අවස්ථාවට එක්ව සිටියා. පසුව පිලවල උතුර කොට්ඨාස සභාවටද එක්වී ඔහු සිය අදහස් දැක්වුවා.
ජනතාව නියෝජනය කරමින් පාර්ලිමේන්තුවට එන ජනතා නියෝජිතයින් ඔවුන්ගේ කාර්යභාර්යය නිවැරදිව ඉටු නොකරණ බවයි එරික් වීරවර්ධන මහතා කියන්නේ. තමන් පාර්ලිමේන්තුවේ සිටි කාලය ඇතුළත එය හොඳින්ම අත් විඳි බවත් ඔහු පවසනවා. තමන් පාර්ලිමේන්තු මන්ත්‍රීවරයෙකුව සිටි සමයේ පාර්ලිමේන්තුවේ සිටි ජනතා විමුක්ති පෙරමුණේ මන්ත්‍රීවරු එම පාර්ලිමේන්තු මන්ත්‍රීවරුන්ගේ කාර්යභාර්යය පාර්ලිමේන්තුව තුළ නිවැරදිව ඉටු කළ බවයි ඔහු සඳහන් කරන්නේ. මේ වනවිට රට ගොඩනැගිය හැකි කණ්ඩායමක් ඉන්නේ ජාතික ජන බලවේගය තුළ බවයි ඔහුගේ අදහස වන්නේ.
මෙම කොට්ඨාස සභා පිහිටුවීමේ අවස්ථාවන් සඳහා ජාතික ජන බලවේගයේ ජාතික විධායක සභික රවිඳු උස්වැටකෙයියාව, ජාතික ජන බලවේගයේ මහනුවර දිස්ත්‍රික් විධායක සභික තනුර දිසානායක ඇතුළු පිරිසක්ද එක් වී සිටියා.
#ericprasannaweerawardhana #slfp #NPP #A5 #a5news #a5newssrilanka #news #NewsUpdate #NewsAlert #SriLanka #hotnews #LatestNews #Alert #sinhalanews #srilankanews #Fastnews
