අයිතීන් උදෙසා කාන්තාවෝ සංවිධානය සෞඛ්‍ය ඇමති කෙහෙළිය රඹුක්වැල්ලගෙන් ඍජුව ප්‍රශ්න කර තිබෙනවා.
ඒ ළදරුවන්ට සහ මව්වරුන්ට අමතර පෝෂණ ආහාරයක් ලෙස ලබා දෙන ත්‍රිපෝෂවල ඇෆ්ලටොක්සීන් විෂ රසායනිකය අඩංගු බව හෙළිවීම සම්බන්ධයෙන්. ඊයේ (29) පස්වරුවේ එම සංවිධානයේ නියෝජිතවරියන් සෞඛ්‍ය ඇමතිවරයා හමුවී තිබුණා.
ජාතික ජන බලවේගයේ පාර්ලිමේන්තු මන්ත්‍රී ආචාර්ය හරිනි අමරසූරිය, අයිතීන් උදෙසා කාන්තාවෝ සංවිධානයේ ලේකම් සරෝජා සාවිත්‍රි පෝල්රාජ්, එම සංවිධානයේ ජාතික සංවිධායිකා සමන්මලී ගුණසිංහ සහ විශේෂඥ වෛද්‍ය නිහාල් අබේසිංහ එම අවස්ථාවට එක්ව සිටියා. ඒ සම්බන්ධව ඔවුන් කරුණු සහිතව සෞඛ්‍ය ඇමතිවරයා සමඟ සාකච්ඡා කරණු ලැබුවා. ත්‍රිපෝෂවල විෂ රසායනිකයන් අඩංගු බවත් ඒ ඇතැම් සාම්පලවල පමණක් බවත් සෞඛ්‍ය ඇමතිවරයා එහිදී කියා තිබුණා.
