ජනාධිපති රනිල් වික්‍රමසිංහගේ ඉතිහාසය පුරාම ඔහුව හැදින්වුණේ ලිබරල්වාදියෙකු බව කියන ආණ්ඩුවෙන් ඉවත් වූ මන්ත්‍රී ඩලස් අලහප්පෙරුම පවසන්නේ තමන්ට පෙනෙන හැටියට ඔහුට එයත් අහිමි වන බවයි.
“රනිල් වික්‍රමසිංහ මහත්තයාගේ ඉතිහාසයම තිබුණේ ලිබරල්වාදියෙකු විදිහට. මට පේන්නේ එතුමා ඒකත් නැතිකර ගන්න යන්නේ. ඔහු හරිද වැරදිද කියන එකට වඩා, මම හිතන්නේ නැහැ ඔහුට ස්වාධීනව රාජ්‍ය නායකයා විදිහට ප්‍රතිපත්තිමය තීන්දු ගන්න පුළුවන් වටපිටාවක් අද තියෙනවා කියලා. අපේ වැව් බැම්මක් කැඩුනම වැලි කොට්ට ගහන එකනේ කරන්නේ. එක සාමාන්‍ය දෙයක්. ජනප්‍රිය විසඳුමත් ඒකනේ. ඒ වගේම මේ මොහොතේ රටේ දේශපාලන, ආර්ථික සහ සමාජ දේහය කඩාගෙන යද්දී ඒකට ගහපු වැලි කොට්ටය තමයි රනිල් වික්‍රමසිංහ කියන්නේ” යි මන්ත්‍රීවරයා පවසනවා.
