මෝදර, මාදම්පිටිය, කජීමාවත්තෙහි නිවාස පෙළ හදිසියේම ගිනි ගැනීම සම්බන්ධයෙන් සෙවීමට කොළඹ දිසාපතිවරයාගේ ප්‍රධානත්වයෙන් කමිටුවක් පත්කර විධිමත් හා අපක්ෂපාතී පරීක්ෂණයක් පවත්වන ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග විසින් අග්‍රාමාත්‍ය දිනේෂ් ගුණවර්ධනගෙන් ඉල්ලීමක් කර තිබෙනවා.
අමාත්‍යවරයා එහිදී පෙන්වා දී ඇත්තේ මෙම වතු නිවාස පෙල නිරන්තරයෙන්ම ගිනි ගැනීමට ලක්වන බවත් ගතවූ වසර එකහමාරක කාලයේදී තුන්වරක් එම නිවාස ගිනි ගැනීමට ලක්ව තිබෙන බවයි.
කජීමාවත්තේ පදිංචි වී සිටින අයගෙන් ගෙවල් අත්‍යාවශ්‍ය අය හඳුනා ගත යුතු යැයිද ඇතැම් විට බදුල්ලේ අයත් එහි පදිංචි වී සිටින අතර ඔවුන්ට ඒ ප්‍රදේශවලින් නිවාස ලබා දිය යුතු යැයිද අමාත්‍යවරයා පවසා තිබෙනවා.
