රාත්‍රී ආර්ථිකය යනු රාත්‍රියට ජනතාව එලියට ගොස් විනෝද වීමත් එමගින් රජයට මුදල් ඉපයීමත් බව සංචාරක රාජ්‍ය ඇමතිනී ඩයනා ගමගේ පවසනවා.
රාත්‍රී ආර්ථිකයත් නැති ලොව කිසිම රටක් දියුණු රටක් නොවන බවයි ඇය කියන්නේ. දවල් කාලයේ පුරා ජනතාව උපයන දේ වියදම් කරන්න වෙලාවක් තැනක් නැතිනම් රටකට දියුණු වෙන්න නොහැකි බවද ඇය පෙන්වා දෙනවා.
සංචාරකයන් මෙරටට පැමිණෙන්නේ රාත්‍රී දහයට පසු කාමරයට ගොස් නිදා ගන්නට නොවන අතර ඔවුනට මුදල් වියදම් කරන්නට රාත්‍රියේ සංස්කෘතියක් රට තුළ ඇති කළ යුතු බවයි රාජ්‍ය ඇමැතිනියගේ අදහස වන්නේ.
රාත්‍රී ආර්ථිකය යනු ගණිකා වෘත්තිය නොවන බව පවසන ඩයනා ගමගේ රාජ්‍ය අමාත්‍යවරිය, ගණිකා වෘත්තිය යනු රෑට පමණක් කරන දෙයක් නොව දවස තිස්සේම කරන දෙයක් බව පවසනවා.
