පාර්ලිමේන්තුව වාර අවසාන කිරීමත් සමඟම අහෝසි වූ රජයේ මුදල් පිළිබඳ පිළිබඳ පාර්ලිමේන්තු කාරක සභාව අද (10) පිහිටුවනු ලැබුවා.
09 වන පාර්ලිමේන්තුවේ තෙවැනි සභාවාරයේ රජයේ මුදල් පිළිබඳ පාර්ලිමේන්තු කාරක සභාවේ සේවය කිරීම සඳහා මන්ත්‍රීවරුන් 21දෙනකු තේරීම් කාරක සභාව විසින් නම් කරනු ලැබ ඇති බව කතානායක මහින්ද යාපා අබේවර්ධන පාර්ලිමේන්තුවට අද (10) දැනුම් දුන්නා.
රජයේ මුදල් කාරක සභාවේ සේවය කිරීම සඳහා පත්කරනු ලැබ ඇත්තේ අමාත්‍ය ආචාර්ය බන්දුල ගුණවර්ධන, මන්ත්‍රී විදුර වික්‍රමනායක, අමාත්‍ය නලීන් ප්‍රනාන්දු, මන්ත්‍රී අනුර ප්‍රියදර්ශන යාපා, මන්ත්‍රී විජිත හේරත්, මන්ත්‍රී දුමින්ද දිසානායක, මන්ත්‍රී ශෙහාන් සේමසිංහ, මන්ත්‍රී ප්‍රමිත බණ්ඩාර තෙන්නකෝන්,
මන්ත්‍රී ආචාර්ය හර්ෂ ද සිල්වා, මන්ත්‍රී ඉන්දික අනුරැද්ධ, මන්ත්‍රී සිරිපාල ගම්ලත්, මන්ත්‍රී වෛද්‍ය සීතා අරඹේපොල, මන්ත්‍රී ආචාර්ය සුරේන රාගවන්, මන්ත්‍රී එම්.ඒ.සුමන්තිරන්, මන්ත්‍රී කාවින්ද ජයවර්ධන, මන්ත්‍රී මුජිබර් රහුමාන්, මන්ත්‍රී හර්ෂණ රාජකරැණා, මන්ත්‍රී චමින්ද විජේසිරි මන්ත්‍රී ඉසුරැ දොඩංගොඩ, මන්ත්‍රී අනූප පැස්කුවෙල්, මන්ත්‍රී මහාචාර්ය රංජිත් බණ්ඩාර යන අයයි.
ස්ථාවර නියෝග 121 විධිවිධාන ප්‍රකාරව තේරීම් කාරක සභාව විසින් මෙම නම් කිරීම කර තිබෙනවා.
කෙසේ වුවද 09 වන පාර්ලිමේන්තුවේ දෙවන සභාවාරයේ මුදල් පිළිබඳ පාර්ලිමේන්තු කාරක සභාවේ කටයුතු කළ කංචන විජේසේකර, මනුෂ නානායක්කාර, කුමාර වේල්ගම ඩිලාන් පෙරේරා, සරත් වීරසේකර හා නාලක ගොඩහේවා එම කමිටුවෙන් ඉවත් කර තිබෙනවා.
ඊට අලුතින් ඇතුළත්වී සිටින සාමාජිකයන් වන්නේ දුමින්ද දිසානායක, ශෙහාන් සේමසිංහ සිරිපාල ගම්ලත්, සීතා අරඹේපොල, හර්ෂණ රාජකරුණා හා චමින්ද විජේසිරි යන මන්ත්‍රීවරු වනවා.
09 වෙනි පාර්ලිමේන්තුවේ දෙවන සභාවාරයේ රජයේ මුදල් පිළිබඳ පිළිබඳ පාර්ලිමේන්තු කාරක සභාවේ සභාපතිවරයා ලෙස ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී අනුර ප්‍රියදර්ශන යාපා කටයුතු කරනු ලැබුවා.
නව කමිටුව සඳහා සභාපතිවරයා පත් කිරීමද කඩිනමින් සිදුකිරීමට නියමිත බව වාර්තා වනවා.
