ශ්‍රී ලංකාවේ රැඳී සිටින බව කියන ජනාධිපති ගෝඨාභය රාජපක්ෂ ඊයේ (11) ප්‍රධාන ජාත්‍යන්තර ගුවන් තොටුපළ අසල ගුවන් කඳවුරක් වෙත පියාසර කරන ලද බව නිලධාරීන් උපුටා දක්වමින් Agence France-Presse (AFP) මාධ්‍ය වාර්තා කරනවා.
ජනාධිපතිවරයා විදේශගතව පිටුවහල් කරනු ඇතැයි අනුමාන කිරීම් මතු කරමින් වාර්තාව කියා සිටියේ සෙනසුරාදා දස දහස් සංඛ්‍යාත විරෝධතාකරුවන් එම පරිශ්‍රය පසුකර යාමට ටික වේලාවකට පෙර ඔහු සෙනසුරාදා නාවික හමුදාවේ ආරක්ෂාව යටතේ කොළඹ ජනාධිපති මන්දිරයෙන් පලා ගිය බවයි.
බණ්ඩාරනායක ජාත්‍යන්තර ගුවන් තොටුපළ මායිම්ව පිහිටා ඇති කටුනායක ගුවන් කඳවුරට ගෙන ඒමට පෙර 73 හැවිරිදි නායකයා නාවික හමුදා කඳවුරක රැකවරණය ලබා ඇති බවයි AFP වෙත ඉහළ ආරක්ෂක නිලධාරියෙක් පවසා ඇත්තේ.
“ඔහු සහ ඔහුගේ පිරිවර බෙල් 412 චොපර් දෙකකින් ආපසු කොළඹට ගෙන එන ලදී” යි එම නිලධාරිවරයා වැඩිදුරටත් පවසා තිබෙනවා.
සඳුදා වනවිට නගරය හරහා ගමන් කරන පෙට්‍රල් පෝලිම්වලට වඩා දිගු පෝලිමක් ජනාධිපති මන්දිරය නැරඹීමට පැමිණෙනවා දක්නට ලැබුණා.
