හිටපු මහබැංකු අධිපති අජිත් නිවාඩ් කබ්රාල්ට විදේශගතවීම වළක්වාලමින් කොළඹ කොටුව මහෙස්ත්‍රාත් අධිකරණය විසින් තවත් නියෝගයක් නිකුත් කර තිබෙනවා.
ඔහු ශ්‍රී ලංකා මහ බැංකුවේ අධිපතිවරයා වශයෙන් කටයුතු කළ අවධියේ රාජ්‍ය මුදල් අවභාවිතාවක් සිදුකළේ, යැයි චෝදනා කරමින් පූජ්‍ය තීනියාවල පාලිත හිමියන් විසින් ඉදිරිපත් කළ පුද්ගලික පැමිණිල්ලක් සලකා බැලීමෙන් අනතුරුව කොළඹ කොටුව මහෙස්ත්‍රාත්වරයා විසින් අදාළ නියෝගය නිකුත් කර තිබෙනවා.
එමෙන්ම අජිත් නිවාඩ් කබ්රාල්ට ජුනි මස 7 වනදා අධිකරණ හමුවේ පෙනී සිටින ලෙස දන්වා මහෙස්ත්‍රාත්වරයා විසින් සිතාසිද නිකුත් කර ඇති බව වාර්තා වනවා.
