ශ්‍රී ලංකා පොදුජන පෙරමුණේ මන්ත්‍රීවරුන් පිරිසක් ජනාධිපති ගෝඨාභය රාජපක්ෂ වෙත ලිපියක් යොමු කරමින් සියලු දේශපාලන පක්ෂවලින් සමන්විත අන්තර්වාර ආණ්ඩුවක් පත් කිරීමට තමන් අපොහොසත් වුවහොත් හෘද සාක්ෂියට එකඟව තීරණයක් ගත යුතු බව දන්වා ඇති බව වාර්තා වෙනවා. කොටුව, ජනාධිපති මන්දිරයේ පවත්වාගෙන යන ජනාධිපති ලේකම් කාර්යාලයේදී ජනාධිපතිවරයා හමුවූ අවස්ථාවේදී මෙම මන්ත්‍රීවරුන් අදාළ ලිපිය ජනාධිපතිවරයා වෙත භාරදුන් බවයි වාර්තා වෙන්නේ.
නව අග්‍රාමාත්‍යවරයෙකු යටතේ අන්තර්වාර රජයක් පත් කරන ලෙසයි ඔවුන් ජනාධිපතිවරයාගෙන් ඉල්ලා ඇත්තේ.
වසන්ත යාපා බණ්ඩාර, උදේනි කිරිඳිගොඩ, කුමාරසිරි රත්නායක, කේපී එස් කුමාරසිරි, රාජිත වික්‍රමසිංහ, අකිල එල්ලාවල, ලලිත් එල්ලාවල, අජිත් රාජපක්ෂ, උපුල් ගල්ලපති සහ සුදත් මංජුල යන මන්ත්‍රීවරුන් මෙම ඉල්ලීම කර තිබෙන බව කියනවා.
