සාමකාමීව විරෝධතා දැක්වීමේ පුරවැසි අයිතියට බාධාවක් නොවන බවට ජනාධිපති ගෝඨාභය රාජපක්ෂ සහතික වෙනවා.
ට්විටර් පණිවුඩයක් නිකුත් කරමින් ජනාධිපතිවරයා කියා සිටියේ රඹුක්කන ප්‍රදේශයේදී ඊයේ සිදුවූ වෙඩි තැබීමේ සිද්ධිය සම්බන්ධයෙන් ශ්‍රී ලංකා පොලිසිය අපක්ෂපාතී සහ විනිවිදභාවයෙන් යුත් පරීක්ෂණයක් සිදුකරන බවයි.
රඹුක්කන ප්‍රදේශයේ සිදුවූ වෙඩි තැබීමේ සිද්ධියෙන් සිදුවූ ඛේදවාචකය පිළිබඳව තමන් දැඩි කණගාටුව පළ කරන බවද ඔහු වැඩිදුරටත් කියා සිටිනවා.
විරෝධතාවයේ නිරත වීමේදී ප්‍රචණ්ඩත්වයෙන් වළකින ලෙස ද ජනාධිපති ගෝඨාභය රාජපක්ෂ ජනතාවගෙන් ඉල්ලා තම ට්විටර් පණිවිඩයේ සටහන් කර තිබෙනවා.
