කව්රුහරි හිතනවානම් ජීවත් ආරක්ෂා වෙන්න ස්වාධීන වෙන්න ඕනේ කියලා වඩාත් හොඳම දේ හැටියට හිටපු රාජ්‍ය අමාත්‍ය කාංචන විජේසේකර මන්ත්‍රීවරයා කියන්නේ එම අය පාර්ලිමේන්තු මන්ත්‍රී ධුරයෙන් ඉල්ලා අස්විය යුතු බවයි. මන්ත්‍රීවරයා අද (07) පාර්ලිමේන්තුවේදී මේ බව පැවසුවා.
“දේශපාලනය කරනවානම් අපි බය වෙන්න හොඳ නැහැ. මේ තියෙන අභියෝග වලට අපි මුහුණ දෙන්න ඕනේ.
අපි පැහැදිලිව කියනවා, අපේ පාක්ෂිකයන්ටත් අපි කියනවා, ජනතාවටත් කියනවා අවශ්‍ය විසඳුම් ලබා දෙන්න කටයුතු කරනවා වගේම නොබියව, විශේෂයෙන්ම ගෝඨාභය රාජපක්ෂ ජනාධිපතිතුමා ඉල්ලා අස්වෙන්නේ නැහැ. ඉල්ලා අස්වෙන්න අපි ඉඩ තියෙන්නෙත් නැහැ. අග්‍රාමාත්‍යවරයාත් තව දුරටත් මේ ධුර කාලයේ ඉන්නවා”යි විජේසේකර මන්ත්‍රීවරයා කියනවා.
