අමාත්‍ය මණ්ඩලයේ ඉල්ලා අස්වීමේ ලිපි අග්‍රාමාත්‍ය මහින්ද රාජපක්ෂ වෙත නිල වශයෙන් භාරදී තිබෙන බව තහවුරු වෙනවා. ජනාධිපති ගෝඨාභය රාජපක්ෂ අද (04) උදෑසන එය නිල වශයෙන් බාරගන්නා බවයි වාර්තා වන්නේ.
ඊයේ (03) රාත්‍රියේ අමාත්‍යවරුන් සිය ඉල්ලා අස්වීමේ ලිපිවලට අත්සන් කර අරලියගහ මන්දිරයේදී අග්‍රාමාත්‍යවරයා වෙත භාරදී තිබුණා. කැබිනට් මණ්ඩලයේ ඉල්ලා අස්වීම් පිළිබඳව නිල වශයෙන් දැනුම්දීම සඳහා අග්‍රාමාත්‍යවරයා අද ජනාධිපතිවරයා හමුවී සාකච්ඡා කිරීමට නියමිතව තිබෙනවා.
