අවශ්‍ය බලතල ලබාදෙන්නේ නම් මහජන උද්ඝෝෂණ සදහා එක්වන පුද්ගලයන්ට කදුළු ගෑස්, ජල ප්‍රහාර මෙන්ම ගම්මිරිස් මිශ්‍ර ජල ප්‍රහාර එල්ල කරන බව මහජන ආරක්‍ෂක අමාත්‍ය රියර් අද්මිරාල් ආචාර්ය සරත් වීරසේකර පවසනවා.
අමාත්‍යවරයා සදහන් කරන්නේ තමන් එලෙස ක්‍රියා කරන්නේ මහජන උද්ඝෝෂණ හේතුවෙන් සාමාන්‍ය ජනතාවගේ ජනජීවිතයට එල්ල වන බලපෑම් හේතුවෙන් බවයි.
කෙසේවෙතත් එලෙස ක්‍රියා කිරීමට ජනාධිපති ගෝඨාභයවරයා ඉඩ ලබානොදෙන බව මහජන ආරක්‍ෂක අමාත්‍ය රියර් අද්මිරාල් ආචාර්ය සරත් වීරසේකර ඊයේ (23) රාත්‍රියේ ප්‍රචාරය වූ ගුවන්විදුලි වැඩසටහනට එක්වෙමින් සදහන් කර සිටියා.
කෙසේවෙතත් උද්ඝෝෂකයින් සීමාව ඉක්මවා කටයුතු කරන්නේ නම් ඔවුන්ට එරෙහිව නීතිමය පියවර ගන්නා බව මහජන ආරක්‍ෂක අමාත්‍ය රියර් අද්මිරාල් ආචාර්ය සරත් වීරසේකර වැඩිදුරටත් සදහන් කරනවා.
