මෙරට ඉන්ධන මිල ඉදිරියේදී පහත බසිනු ඇති බවත් ඒ අනුව ඉන්ධන තොග රැස්කරගෙන සිටින ජනතාවට අති විශාල පාඩුවක් දරා ගැනීමට සිදුවනු ඇති බව පොහොට්ටුවේ ලේකම් පාර්ලිමේන්තු මන්ත්‍රී සාගර කාරියවසම් පවසනවා. පසුගිය කාලයේ ලාභ ලබමින් ජනතාවට ඉන්ධන නිකුත් කිරීමෙන් වුණු අලාභය පියවා ගැනීමෙන් පසු නුදුරේදීම ඉන්ධන සහන ලබාදීමට රජය කටයුතු කරන බවයි ඔහු කියනවා.
අවශ්‍ය ඉන්ධන තොග කිසිදු හිගයකින් තොරව මේ වන විට රට තුළ පවතින නිසා ජනතාව ඉන්ධන එක්රැස් කර ඒවා නැවත විකිණීමේ ව්‍යාපාරයක් කිරීම හේතුවෙන් ඉන්ධන නොමැති තත්ත්වයක් නිර්මාණය වී ඇතැයි ඔහු සදහන් කළා. වෙනදාට දින දෙකකට ප්‍රමාණවත් ඉන්ධන බවුසරයක් මේ වන විට පැය හතක් තුළ අවසන් වන බව පැවසූ මන්ත්‍රීවරයා වෙනදාට ඉන්ධන ලීටර 50ක් මිලට ගන්නා අයෙක් අද වන විට ලීටර් 250 දිනකට රැස් කරමින් සිටින බව සඳහන් කරනවා.
