ශ්‍රී ලංකා රූපවාහිනි සංස්ථාවේ වැටුප් සහ අනෙකුත් අත්‍යවශ්‍ය වියදම් පියවා ගැනීම සඳහා මාස හයක කාලයකට රුපියල් කෝටි 24 ක මුදලක් ලබා දෙන්නැයි මහා භාණ්ඩාගාරයෙන් ඉල්ලීමක් කර තිබෙනවා.
ඉකුත් පෙබරවාරි මස සිට ලබන ජූලි දක්වා කාලය තුළ සේවක වැටුප් හා අත්‍යවශ්‍ය පියවා ගැනීම සඳහායි මෙම මුදල ඉල්ලා ඇත්තේ.
සංස්ථාවේ ආදායම පහත වැටීම හේතුවෙන් ලැබෙන ආදායමෙන් වැටුප් ගෙවීම හා අත්‍යවශ වියදම් පියවා ගැනීමට ප්‍රමාණවත් නොවන බවයි සංස්ථාව මහා භාණ්ඩාගාරයට දැනුම් දී තිබෙන්නේ.
ශ්‍රී ලංකා රූපවාහිනී සංස්ථාවේ ආදායම් සහ වියදම් අතර පරතරය රුපියල් කෝටි හය හමාරක් පමණ වන බව වාර්තා වන අතර මෙතෙක් කලක් ජාතික ලොතරැයි මණ්ඩලයෙන් මාසිකව හිමිවූ රුපියල් කෝටි තුනහමාරක පමණ ආදායම අහිමි වීම ද ඒ වෙනසට බලපා ඇතැයි ද පැවසෙනවා.
රූපවාහිනී සංස්ථාවේ 862ක් පමණ සේවක සංඛ්‍යවට වැටුප් ගෙවීමට පමණක් මාසිකව රුපියල් කෝටි නවයක පමණ මුදලක් වැයවන බවයි කියන්නේ.
ජනවාරි මාසයේ සිට රුපියල් 5000 ක අමතර දීමනාවත් ගෙවීම හේතුවෙන් මාසිකව තවත් ලක්ෂ 50ක පමණ අමතර වියදමක් දැරීමට සිදුවූ බව සංස්ථාව පවසනවා.
