රුසියන් හමුදා කීව් අගනුවර අල්ලා ගැනීමට ආසන්න යැයි විදෙස් මාධ්‍ය පවසනවා.
නගරය වට කළ රුසියන් හමුදා කීව් අගනුවර වැසියන්ට වහා නගරයෙන් පිට වී යන ලෙස දැනුම් දී ඇති බව ද විදෙස් වාර්තාවල දැක්වෙනවා.
නගරයෙන් පිටවීමට ප්‍රධාන අධිවේගී මාර්ගය භාවිතයට ගන්නා ලෙසත් කිසිවකුට අනතුරක් සිදු නොකරන බවත් රුසියන් හමුදාව පොරොන්දු වී ඇතැයි ද එම වාර්තාවල සඳහන් වනවා.
කෙසේ වුවද නගරය අත්හැරීම ප්‍රතික්ෂේප කරන යුක්රේන ආරක්ෂක අංශ සාමාජිකයන්, සිවිල් වැසියන් පමණක් නොව යුක්රේන ජනාධිපති සෙලෙන්ස්කි ද චෝදනා කර ඇත්තේ රුසියන් හමුදා සිවිල් ඉලක්ක වෙත දිගටම ගුවනින් බෝම්බ ප්‍රහාර එල්ල කරන බවයි.
එමෙන්ම රුසියන් හමුදාව ප්‍රහාර සඳහා අධි බලැති රික්තක බෝම්බ ද යෝදා ගන්නා බවට යුක්රේන හමුදා චෝදනා කරනවා.
මේ වනවිට රුසියන් ප්‍රහාර හේතුවෙන් මියගිය යුක්රේන සිවිල් වැසියන් ගණන 536 ක් බවත්, දරුවන් 14 දෙනකු ඒ අතර සිටින බවත් විදෙස් මාධ්‍ය වාර්තා කරන අතර රුසියන් ප්‍රහාර හේතුවෙන් තුවාල ලැබූ ගණන 400 ක් ලෙස එම වාර්තාවල සඳහන් වනවා.
